بيحكوا عن مدينة عمرها آلاف السنين مدينة ماتت وقامت من الموت أكثر من 7 مرّات بيلقبوها بطائر الفينيق بيروت لما بتسأل أهلها بيقولولك إنها ست الدنيا لما بتسأل جيرانها بيقولولك إنها جنّة الشرق مدينة بتشبه الغرب بس متمسكة بتقاليد وعادات الشرق مدينة بتحب الإختلاف، بتحب التميّز، مدينة بتحب الحياة بيروت اليوم مش متل بيروت مبارح اليوم في جرح صار عمره سنة وبعدو عم يكبر جرح عم ينزف دموع دموع أهالي خسرت ولادها، عائلات فقدت أفراد بتحبّن، ولاد عم تنام ع أبشع قصّة وما عم تحلم
المصدر : سبوت شوت
